من أسوأ المعتقدات في الزواج

من أسوأ المعتقدات في العلاقات الزوجية بالذات:

U scratch my back & I scratch yours!

هي مقولة توحي بالجَرَب أنا عارفه :) بس معناها بالبلدي كده "لما تعملّي، أعملّك"

"انا اعتذرت اخر مرة، دوره هو اللي يعتذر.."

"انا جبت لها هدية، المفروض هي بقى تجيب لي.."

إلى أخره من المباريات اللي بندخل فيها فريقين ضد بعض وكل واحد بيحسبها بالأجوان!

العلاقة الزوجية الواحد بيبقى مستني منها مقابل نفسي لعطاءه، ده أكيد! أنا مش متجوزة "إبني" والمفروض أحبه بغريزة الأمومة مهما عمل! أنا عايزه مقابل معنوي يخليني استمر في العلاقة. كل ده منطقي جدا! لكن في ناس بتسيء فهم اللقطة دي ويبدأوا يحسبوها كأنهم منافسين لبعض. ويوم ما الآلة الحاسبة بتطلع والتحفز بيشتغل، العلاقة بتبوظ!

بتبوظ عشان كل واحد اصلاً بيدّي بلغته وبطريقته.. بتبوظ عشان احنا المفروض نبني رصيد عند بعض مش نتعامل بالفكّة ‪. بتبوظ عشان لو انت بس بتحب اللي قدامك لما بيعملك حاجة، يبقى لما يكون في فترة تعبان أو مضغوط أو مش قادر يديك لأي سبب، مش هتستحمل! وده مش حب ‪

ماتحسبوهاش والله هتتبسطوا...

When your partner doesn’t have a smile, give him yours