مراية الحب عميا

مهم جدا في العلاقات مانهملش العلامات وال red flags وال gut instincts أو الحدس والخوف والشعور اللي جوه الواحد ووجع البطن اللي كتير من الوقت بنهمله ومش بنسمع رسالته لينا عشان بنكون بنحب على روحنا.. وبعد مابنلبس في الحيط وشوية الحركات اللي في الأول تروح، بنكتشف إن المخاوف دي كانت صح ومراية الحب كانت عامية وإننا أخدنا الخازوق المتين وكنتي فين يا لأ لما قلنا آه.

الحدس ده نعمة كبيرة من ربنا.. لو مش مرتاح لحاجة وقلبك مقبوض كده، أقف وماتتسرعش. الواحد أما بيدخل في علاقة سامّة، ثقته في نفسه بتتهز.. وبيبدأ يقنع نفسه إن هو اللي مجنون وinsecure.. مش إن الطرف التاني هو اللي بيطلع منه الجنان وشعور عدم الأمان ده بتصرفاته... بتبقى مشاعرنا محركانا فبنشوف اللي عايزين نشوفه من الأخر كده، ومش بنصدق الصوت اللي جوانا اللي بيقول لنا إن في حاجة غلط أو مش مريحة.. لحد ما الواحد بيبعد عن الشخص ده ويتخطى مشاعره ناحيته، فيبدأ يشوف الصورة الحقيقية!مراية الحب عمياء فعلا.. عند كل الناس! بس ربنا مش بيسيبنا على عمانا  بيحطنا في مواقف ويورينا تصرفات ويبعت لنا ناس تنبهنا وقصص وبوستات تفكرنا ومشاعر نحس بيها.. وكل ده عشان مانمشيش عمياني كده وتيجي على دماغنا في الآخر! المهم نصحى للكلام