جودة قراراتك

الحاجة اللي بتفرق "جودة" قرارات وحياة شخص عن التاني.. الحاجة اللي بتخليك تعرف تختار: اتجوز مين؟ أشتغل كذا ولا كذا؟ اشتري دي ولا دي؟ أسافر هنا ولا هنا؟ اتخانق ولا اسكت ولا ابعد؟ أصدق إيه ولا إيه؟ ... الحاجة اللي بتخليك تفهم: هو أنا ليه مش مبسوط؟ هي فين المشكلة؟ هو أنا ليه خايف؟ ... الحاجة اللي بتخلي كل اللمض دي تنور.. هو إنك تفهم انت "السيستم" بتاعك شكله عامل ازاي وتسيطر عليه!

إيه السيستم ده وازاي نسيطر عليه؟!

السيستم ده هو:

١- مشاعرك

٢- الأسئلة اللي بتسألها لنفسك

٣- القيم اللي بتحركك

٤- معتقداتك والمعاني اللي بتحطها

٥- المراجع والتجارب اللي بترجع لها في حياتك

الخمس حاجات دول مدى وعيك بيهم وتحكمك/سيطرتك عليهم بيفرق في جودة حياتك كلها